ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ, ԳԻՏՈՒԹՅԱՆ, ՄՇԱԿՈՒՅԹԻ ԵՎ ՍՊՈՐՏԻ ՆԱԽԱՐԱՐՈՒԹՅՈՒՆ
Մեդիա
e-draft
e-gov
e-request
citizen

Պաշտոնական էլ. փոստ

39065470@e-citizen.am

(միայն www.e-citizen.am համակարգով ծանուցումների համար)
Գլխավոր

Նորությունների արխիվ

Ամփոփվել է «Ասեղնագործությունը որպես սիրիահայ կանանց ներուժի զարգացում» ծրագիրը
10.09.2019

Ս. թ. սեպտեմբերի 6-ին «Սիրիահայերի արդյունաբերական գոտում» տեղի է ունեցել «Ասեղնագործությունը որպես սիրիահայ կանանց ներուժի զարգացում» ծրագրի շրջանակում իրականցված դասընթացի ավարտական վկայականների հանձնումը և սիրիահայերի հիմնած «Նոր Արև» ապրանքանիշի առաջին էկոլոգիական փաթեթների նվիրատվությունը։

Ծրագիրը մեկնարկել էր ս. թ. հուլիսի 1-ից ՀՀ կրթության, գիտության, մշակույթի և սպորտի նախարարության աջակցությամբ և «Սիրիահայերի միություն» հասարակական կազմակերպության նախաձեռնությամբ, որի ընթացքում իրականացվել են ասեղնագործության երկամսյա անվճար դասընթացներ:

Դասընթացներին մասնակցել են 18 սիրիահայ կանայք, որոնք ձեռք են բերել նոր ունակությություններ ու գիտելիքներ Լասսե և Ուրֆա ասեղնագործության տեսակների վերաբերյալ` այդ կերպ խորացնելով ասեղնագործության արվեստի իրենց գիտելիքները։

Ներկայում ասեղնագործությունը սիրիահայ կանանց համար դարձել է մասնագիտացում և եկամտի աղբյուր։ Ծրագրի հիմնական նպատակն էր նպաստել հայկական ոչ նյութական մշակութային ժառանգության ինքնատիպ դրսևորման` ասեղնագործության զարգացմանը և տարածմանը, ինչպես նաև սիրիահայ կանանց՝ այդ ոլորտում ունեցած հմտությունների կատարելագործմանն ու փոխանցմանը:

Լուսանկարները ներբեռնել այստեղ:

Վերադառնալ
print-biennale-november-7
tumanyan-150
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ, ԳԻՏՈՒԹՅԱՆ, ՄՇԱԿՈՒՅԹԻ ԵՎ ՍՊՈՐՏԻ ՆԱԽԱՐԱՐՈՒԹՅՈՒՆ

© 2004 - 2011. Հեղինակային իրավունքները պաշտպանված են:
Սույն կայքում տեղադրված լուսանկարները պաշտպանվում են հեղինակային և հարակից իրավունքների մասին Հայաստանի Հանրապետության օրենսդրությամբ: Արգելվում է տեղադրված լուսանկարների վերարտադրումը, տարածումը, նկարազարդումը, հարմարեցումը և այլ ձևերով վերափոխումը, ինչպես նաև այլ եղանակներով օգտագործումը, եթե մինչև նման օգտագործումը ձեռք չի բերվել Հայաստանի Հանրապետության կառավարության աշխատակազմի թույլտվությունը:

Հասցե` Հայաստանի Հանրապետություն, ք. Երևան, 0010, Վազգեն Սարգսյան 3: