ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ, ԳԻՏՈՒԹՅԱՆ, ՄՇԱԿՈՒՅԹԻ ԵՎ ՍՊՈՐՏԻ ՆԱԽԱՐԱՐՈՒԹՅՈՒՆ
Մեդիա
e-draft
e-gov
e-request
citizen

Պաշտոնական էլ. փոստ

39065470@e-citizen.am

(միայն www.e-citizen.am համակարգով ծանուցումների համար)
Գլխավոր

Նորությունների արխիվ

Հայտարարություն. պարբերական մամուլի նախագծերին 2020 թվականին աջակցություն տրամադրելու վերաբերյալ
16.05.2019

ՀՀ մշակույթի նախարարությունը «Ոչ պետական մամուլի հրատարակում» ծրագրով 2020 թվականին պետական աջակցություն տրամադրելու նպատակով ընդունում է հայտեր:

Պետական աջակցություն տրվելու է ոչ պետական մամուլի հետևյալ խմբերի նախագծերին.  

  • ◆ ազգային փոքրամասնությունների համար Հայաստանում լույս տեսնող տպագիր  և էլեկտրոնային լրատվամիջոցներ,

  • ◆ մշակութային տպագիր և էլեկտրոնային պարբերականներ,

  • ◆ գրական տպագիր և էլեկտրոնային պարբերականներ:

Պետական աջակցություն ստանալու համար նշված խմբերի պարբերականները կարող են դիմել, եթե իրենց ծրագրերը համապատասխանում են հետևյալ պայմաններին.  

◆ Ազգային փոքրամասնությունների համար Հայաստանում լույս տեսնող տպագիր լրատվամիջոցները  

  1. լուսաբանելու են իրենց համայնքի մշակութային և հասարակական կյանքը,

  2. ներկայացնելու են ազգային փոքրամասնության ներկայացուցիչ արվեստագետների և գրողների (հատկապես՝ ժամանակակից) ստեղծագործությունները, մշակութային գործունեությունը,

  3. կազմելու և մշակույթի նախարարությանն են տրամադրելու տվյալ ազգային փոքրամասնության շրջանում մշակույթի տարածման, հասարակական խնդիրների լուսաբանման հայեցակարգը և ծրագրերը,

  4. ծրագրելու և ներկայացնելու են տվյալ համայնքում և համայնքից դուրս պարբերականի տարածմանը միտված քայլերը:

◆ Պետական աջակցության համար դիմող գրական և մշակութային տպագիր կամ էլեկտրոնային պարբերականները պետք է ներկայացնեն իրենց նախագծի բովանդակային հայեցակարգն ու տեսլականը: Որպես պարտադիր բաղադրիչ՝ պարբերականները իրենց նախագծերում պետք է  

  1. ըստ հրապարակումների ծավալի ապահովեն առնվազն ութսուն տոկոս հեղինակային նյութեր,

  2. ներառեն արվեստագիտական և գրաքննադատական հոդվածներ,

  3. ներկայացնեն դեռևս չհրապարակված, նոր հեղինակների ստեղծագործություններ,

  4. տարեվերջին հրապարակեն տվյալ պարբերականի ընդհանուր կամ ոլորտային տարեկան տեսությունը (դայջեսթ)՝ արվեստագիտական, գրականագիտական, մշակութաբանական ակնարկի կամ հոդվածի ձևով:

◆ Հայտատուն պետք է ներկայացնի՝  

  1. լրացված հայտը (ձևաթուղթը կցվում է),

  2. լրատվամիջոցի տարեկան ծախսերի մանրամասն նախահաշիվը (ձևաթուղթը կցվում է),

  3. լրատվամիջոցի նախագիծը, որ պետք է ներառի՝

-       լրատվամիջոցի ներկա կառուցվածքը՝ ըստ ուղղությունների և բաժինների,

-       հայեցակարգը,

-       նյութերի ընտրման հիմնական չափանիշները,

-       տարածման և գովազդային քաղաքականության դրույթները,

-       սոցցանցերում և համացանցում ներկայության մասին տեղեկությունները,

  1. պարբերականի վերջին երեք համարները` մեկական օրինակ, որոնք ենթակա չեն վերադարձման (տպագիր լրատվամիջոցներ),

  2. կայքէջի վերջին հինգ ամիսների դիտումների քանակը (էլեկտրոնային լրատվամիջոցներ),

  3. ՀՀ իրավաբանական անձանց պետական ռեգիստրում կազմակերպության պետական գրանցման վկայականի պատճենը:

◆ Սույն ծանուցման պահանջներին չհամապատասխանող հայտերը չեն դիտարկվելու:  

Հայտերը հարկ է ներկայացնել մինչև 2019 թվականի օգոստոսի 1-ը՝ յուրաքանչյուր աշխատանքային օր՝ ժամը 10:00-17:00, ՀՀ մշակույթի նախարարություն՝ 6-րդ հարկ՝ 604 սենյակ, հասցե՝ Երևան, Վազգեն Սարգսյան 3, հեռախոս՝ +(374) 11 52 39 38:  

Հայտերը քննարկելու և աջակցություն ստացող լրատվամիջոցների ցանկը ձևավորելու է ՀՀ մշակույթի նախարարի հրամանով ստեղծված մասնագիտական խորհուրդը:  

Մրցույթի արդյունքները կհրապարակվեն մինչև 2019 թվականի հոկտեմբերի 1-ը:

Վերադառնալ
tumanyan-150
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ, ԳԻՏՈՒԹՅԱՆ, ՄՇԱԿՈՒՅԹԻ ԵՎ ՍՊՈՐՏԻ ՆԱԽԱՐԱՐՈՒԹՅՈՒՆ

© 2004 - 2011. Հեղինակային իրավունքները պաշտպանված են:
Սույն կայքում տեղադրված լուսանկարները պաշտպանվում են հեղինակային և հարակից իրավունքների մասին Հայաստանի Հանրապետության օրենսդրությամբ: Արգելվում է տեղադրված լուսանկարների վերարտադրումը, տարածումը, նկարազարդումը, հարմարեցումը և այլ ձևերով վերափոխումը, ինչպես նաև այլ եղանակներով օգտագործումը, եթե մինչև նման օգտագործումը ձեռք չի բերվել Հայաստանի Հանրապետության կառավարության աշխատակազմի թույլտվությունը:

Հասցե` Հայաստանի Հանրապետություն, ք. Երևան, 0010, Վազգեն Սարգսյան 3: