ՀՀ մշակույթի նախարարության միջազգային գործունեությունը իրականացվում է մշակութային համագործակցության մասին ստորագրված միջպետական, միջկառավարական և միջգերատեսչական համաձայնագրերի, հուշագրերի և փոխանակումների ծրագրերի, ինչպես նաև միջազգային կոնվենցիաների շրջանակներում: Միջազգային կազմակերպությունների և կառույցների հետ համագործակցության իրականացվում է նաև ստորագրված համատեղ հուշագրերի և ծրագրերի հիման վրա:

Նախարարության միջազգային գործունեության, միջազգային եւ տարածաշրջանային համագործակցության շրջանակներում պետական մշակութային քաղաքականության հիմնական ուղղություններին և գերակա խնդիրներին համապատասխան իրականացվում են միջոցառումներ, որոնք նպատակաուղղված են.

1. մշակութային համագործակցության իրավապայմանագրային դաշտի զարգացմանը և համագործակցության աշխարհագրության ընդլայնմանը,
2. եվրոպական կառույցներին և կազմակերպություններին ինտեգրմանը,
3. հայ մշակույթի և արվեստի հանրահռչակմանը,
4. արտասահմանյան պետություններում հայկական մշակույթի և Հայաստանի Հանրապետությունում արտասահմանյան պետությունների մշակույթի և արվեստի ներկայացմանը (մշակույթի օրեր և տարիներ, մշակութային փոխանակումներ),
5. երիտասարդ ստեղծագործողներին օժանդակելուն, ստեղծագործական գործունեության աջակցմանն ու խթանմանը,
6. մշակութային ժառանգության պահպանությանը,
7. մշակութային արժեքների տարածմանը: