ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ, ԳԻՏՈՒԹՅԱՆ, ՄՇԱԿՈՒՅԹԻ ԵՎ ՍՊՈՐՏԻ ՆԱԽԱՐԱՐՈՒԹՅՈՒՆ
Մեդիա
e-draft
e-gov
e-request
citizen

Պաշտոնական էլ. փոստ

39065470@e-citizen.am

(միայն www.e-citizen.am համակարգով ծանուցումների համար)
Գլխավոր
Հայտարարություն. «Եվրոպական Համայնք 2020» երիտասարդ օպերային երգիչների 74-րդ մրցույթի վերաբերյալ
23.12.2019

Եվրոպական Հանձնաժողովի հովանու ներքո Սպոլետո քաղաքի Ա. Բելլի երաժշտական Էքսպերիմենտալ թատրոնը հայտարարել է «Եվրոպական Համայնք 2020» երիտասարդ օպերային երգիչների 74-րդ մրցույթը:

Մրցույթին կարող են մասնակցել ԵՄ անդամ երկրների, ինչպես նաև Իսլանդիայի, Լիխտենշտայնի, Նորվեգիայի, Շվեյցարիայի, Ալբանիայի, Հյուսիսային Մակեդոնիայի, Չեռնոգորիայի, Սերբիայի, Հայաստանի, Բոսնիա և Հերցեգովինայի, Կոսովոյի, Մոլդովայի, Վրաստանի, Ուկրաինայի, Թունիսի քաղաքացի հանդիսացող և 2020 թ. հունվարի 1-ի դրությամբ 32 տարին չլրացած սոպրանո և տենոր, ինչպես նաև 34 տարին չլրացած մեցցո-սոպրանո, կոնտրալտ, բաս և բարիտոն երիտասարդ երգիչները:               
Մրցույթին մասնակցելու համար դիմորդները պետք է ներկայացնեն կոնսերվատորիայում, լիցեյում կամ երաժշտական դպրոցում իրենց ուսանելու վերաբերյալ փաստաթուղթ: Հաղթողներին հնարավորություն կտրվի հաճախել 2020-2021 թթ. հինգ ամիս տևողությամբ նախապատրաստական դասընթացների: Այդ ժամանակահատվածում նրանք երեք ամիս կստանան 700 եվրո կրթաթոշակ (ներառյալ պահումները) և կկնքեն մշակութային համագործակցության երկամսյա համաձայնագիր, որի ընթացքում կստանան 1450 եվրո (ներառյալ պահումները): Դասընթացը հաջողությամբ ավարտած մասնակիցները հանդես կգան 2020 թ. օպերային համերգաշրջանում:  
Առաջին տեղը զբաղեցրած մասնակցի համար նախատեսված է 15000 եվրոյի չափով պարգևավճար:         
Դիմումների ներկայացման վերջնաժամկետն է 2020 թ. փետրվարի 13-ը: Մանրամասների և հայտաձևի համար կարելի է այցելել www.tlс-belli.it կայքէջը:    

Վերադառնալ

Բաժանորդագրություն

Էլ.հասցե*


komitas-150
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ, ԳԻՏՈՒԹՅԱՆ, ՄՇԱԿՈՒՅԹԻ ԵՎ ՍՊՈՐՏԻ ՆԱԽԱՐԱՐՈՒԹՅՈՒՆ

© 2004 - 2011. Հեղինակային իրավունքները պաշտպանված են:
Սույն կայքում տեղադրված լուսանկարները պաշտպանվում են հեղինակային և հարակից իրավունքների մասին Հայաստանի Հանրապետության օրենսդրությամբ: Արգելվում է տեղադրված լուսանկարների վերարտադրումը, տարածումը, նկարազարդումը, հարմարեցումը և այլ ձևերով վերափոխումը, ինչպես նաև այլ եղանակներով օգտագործումը, եթե մինչև նման օգտագործումը ձեռք չի բերվել Հայաստանի Հանրապետության կառավարության աշխատակազմի թույլտվությունը:

Հասցե` Հայաստանի Հանրապետություն, ք. Երևան, 0010, Վազգեն Սարգսյան 3: