ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ, ԳԻՏՈՒԹՅԱՆ, ՄՇԱԿՈՒՅԹԻ ԵՎ ՍՊՈՐՏԻ ՆԱԽԱՐԱՐՈՒԹՅՈՒՆ
Մեդիա
e-draft
e-gov
e-request
citizen

Պաշտոնական էլ. փոստ

39065470@e-citizen.am

(միայն www.e-citizen.am համակարգով ծանուցումների համար)
Գլխավոր
Խնկո Ապոր անվան ազգային մանկական գրադարանի նախաձեռնությամբ կանցկացվի «Արևմտահայ գրողներ» խորագրով մեկամսյակ
08.10.2019

ՀՀ ԿԳՄՍ նախարարության ենթակայությամբ գործող Խնկո Ապոր անվան ազգային մանկական գրադարանը հոկտեմբեր-նոյեմբեր ամիսներին կանցկացնի «Արևմտահայ գրողներ» խորագրով մեկամսյակ` նվիրված արևմտահայ գրողներ Երվանդ Օտյանի 150, Լևոն Շանթի 150, Դանիել Վարուժանի 135, Զահրատի 95 ամյա հոբելյաններին:
Հոբելյանական միջոցառումների շրջանակում «Արևմտահայ գրողներ» խորագրի ներքո կբացվի Երվանդ Օտյանի, Լևոն Շանթի, Դանիել Վարուժանի, Զահրատի գրական ժառանգությունը ներկայացնող ցուցահանդես:
Պոեզիայի ժամ. «Ցեղին սիրտը» խորագրով արևմտահայ գրողների բանաստեղծությունների ընթերցումներով հանդես կգան գրադարանի ակտիվ ընթերցողները, Ռ. Մելիքյանի անվան ուսումնարանի, Երևանի թատրոնի և կինոյի ինստիտուտի ուսանողները:
«Արևմտահայ գրականություն» խորագրի ներքո գրականագետ Ս. Սրապիոնյանը կանցկացնի բաց դաս-դասախոսություն: Նախատեսվում է նաև «Երվանդ Օտյան-150,  Լևոն Շանթ-150, Դանիել Վարուժան-135, Զահրատ-95» զրույց-տեսություների շարք:
Հակոբ Պարոնյանի «Մեծապատիվ մուրացկանները» ստեղծագործությունը կանցկացվի ընթերցանություն-քննարկում ձևաչափով. կմասնակցեն գրադարանի բարձր տարիքի ընթերցողները:
Ծրագրի շրջանակում տեղի կունենա նաև «Գրիգոր Զոհրապի նովելները», Վահան Թոթովենցի` «Կյանքը հին հռովմեական ճանապարհին» ստեղծագործությունների քննարկումը, որին  կմասնակցեն թիվ 19 դպրոցի 8-րդ դասարանի աշակերտները:
Հաջորդիվ կներկայացվեն նաև Սիպիլի, Զապել Եսայանի, Տյուսաբի, Հերանուշ Արշակյանի ստեղծագործությունները` «Արևմտահայ կին գրողներ» խորագրի ներքո:
«Արևմտահայ պոեզիա. խոսող գրքերը» խորագրի ներքո կներկայացվնեն` Մատթեոս Զարիֆյանի, Վահան Թեքեյանի, Միսաք Մեծարենցի, Դանիել Վարուժանի և արևմտահայ այլ գրողների ստեղծագործությունները:
Վերադառնալ

Բաժանորդագրություն

Էլ.հասցե*


book-fest
komitas-150
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ, ԳԻՏՈՒԹՅԱՆ, ՄՇԱԿՈՒՅԹԻ ԵՎ ՍՊՈՐՏԻ ՆԱԽԱՐԱՐՈՒԹՅՈՒՆ

© 2004 - 2011. Հեղինակային իրավունքները պաշտպանված են:
Սույն կայքում տեղադրված լուսանկարները պաշտպանվում են հեղինակային և հարակից իրավունքների մասին Հայաստանի Հանրապետության օրենսդրությամբ: Արգելվում է տեղադրված լուսանկարների վերարտադրումը, տարածումը, նկարազարդումը, հարմարեցումը և այլ ձևերով վերափոխումը, ինչպես նաև այլ եղանակներով օգտագործումը, եթե մինչև նման օգտագործումը ձեռք չի բերվել Հայաստանի Հանրապետության կառավարության աշխատակազմի թույլտվությունը:

Հասցե` Հայաստանի Հանրապետություն, ք. Երևան, 0010, Վազգեն Սարգսյան 3: