ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ, ԳԻՏՈՒԹՅԱՆ, ՄՇԱԿՈՒՅԹԻ ԵՎ ՍՊՈՐՏԻ ՆԱԽԱՐԱՐՈՒԹՅՈՒՆ
Մեդիա
e-draft
e-gov
e-request
citizen

Պաշտոնական էլ. փոստ

39065470@e-citizen.am

(միայն www.e-citizen.am համակարգով ծանուցումների համար)
Գլխավոր
Տեղի կունենա «Սասնա ծռեր» կամ «Սասունցի Դավիթ» էպոսի էպոսասացության հանրապետական մրցույթի եզրափակիչ փուլը
01.10.2019

ՀՀ կրթության, գիտության, մշակույթի և սպորտի նախարարության աջակցությամբ ««Սասնա տուն» հասարակության զարգացմանն աջակցման կենտրոն» հասարակական կազմակերպության կողմից իրականացվող «Սասնա ծռեր» կամ «Սասունցի Դավիթ» էպոսի պահպանման և տարածման ծրագիրը կեզրափակվի ս. թ. հոկտեմբերի 5-ին էպոսասացության հանրապետական մրցույթի եզրափակիչ փուլով, որը տեղի կունենա ՀՀ Արագածոտնի մարզի Օշականի Սուրբ Մեսրոպ Մաշտոց դպրատանը:

Ինչպես նախատեսվել էր ծրագրով՝ հանրակրթական դպրոցներում անցկացվել էր էպոսասացության հանրապետական մրցույթի նախնական և մարզային փուլերը, որի արդյունքում յուրաքանչյուր մարզից ընտրվել են 3-4 աշակերտ` եզրափակիչ փուլին մասնակցելու համար:

Ավարտվել են նաև հասարակության մեջ մեծ հետաքրքրություն առաջացրած «Սասունցի Դավիթ» ինտելեկտուալ և ժամանցային բջջային հավելվածի կատարելագործման աշխատանքները: Համալրվել է հավելվածի «ինտելեկտուալ խաղեր» բաժնի հարցերի բազան, ինչը հնարավորություն է տալիս խաղի միջոցով ավելի շատ տեղեկություններ ստանալ ինչպես բուն էպոսից, այնպես էլ էպոսի մասին ընդհանրապես:

«Ժամանցային խաղեր» բաժնում ստեղծվել է էպոսի թեմայով ևս մեկ խաղ` հավելվածը բազմաբովանդակ և առավել հետաքրքիր դարձնելու համար, ինչպես նաև ավելացվել է հղումների կոճակների քանակը, ինչը կդյուրացնի էպոսին վերաբերող նյութերի որոնումը:

«Սասունցի Դավիթ» հավելվածը հասանելի է «Անդրոիդ» (Android) և «Այոուես» (IOS) համակարգերում: Այն կարելի է ներբեռնել նշյալ համակարգերի «Փլեյ մարկետ» (Play market) ծրագրից, հայերեն կամ անգլերեն գրելով՝ «Սասունցի Դավիթ»:

Վերադառնալ

Բաժանորդագրություն

Էլ.հասցե*


tumanyan-150
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ, ԳԻՏՈՒԹՅԱՆ, ՄՇԱԿՈՒՅԹԻ ԵՎ ՍՊՈՐՏԻ ՆԱԽԱՐԱՐՈՒԹՅՈՒՆ

© 2004 - 2011. Հեղինակային իրավունքները պաշտպանված են:
Սույն կայքում տեղադրված լուսանկարները պաշտպանվում են հեղինակային և հարակից իրավունքների մասին Հայաստանի Հանրապետության օրենսդրությամբ: Արգելվում է տեղադրված լուսանկարների վերարտադրումը, տարածումը, նկարազարդումը, հարմարեցումը և այլ ձևերով վերափոխումը, ինչպես նաև այլ եղանակներով օգտագործումը, եթե մինչև նման օգտագործումը ձեռք չի բերվել Հայաստանի Հանրապետության կառավարության աշխատակազմի թույլտվությունը:

Հասցե` Հայաստանի Հանրապետություն, ք. Երևան, 0010, Վազգեն Սարգսյան 3: