ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ, ԳԻՏՈՒԹՅԱՆ, ՄՇԱԿՈՒՅԹԻ ԵՎ ՍՊՈՐՏԻ ՆԱԽԱՐԱՐՈՒԹՅՈՒՆ
Մեդիա
e-draft
e-gov
e-request
citizen

Պաշտոնական էլ. փոստ

39065470@e-citizen.am

(միայն www.e-citizen.am համակարգով ծանուցումների համար)
Գլխավոր
Ստեփան Ջրբաշյանի «Գիքոր» օպերայի բեմադրությունը նվիրվում է Հովհաննես Թումանյանի ծննդյան 150 ամյակին
17.06.2019

Հայ մեծանուն կոմպոզիտոր Ստեփան Ջրբաշյանը Հովհաննես Թումանյանի համանուն պատմվածքի հիման վրա 1973 թ. ստեղծել է «Գիքոր» օպերան: Այն առաջին անգամ բեմադրվել է 1974 թվականին և մինչև 1986 թվականը եղել է թատրոնի խաղացանկում: Որից հետո շուրջ 30 տարի այն չի բեմադրվել:
ՀՀ կրթության, գիտության, մշակույթի և սպորտի նախարարության աջակցությամբ հունիսի 26-ին և 28-ին, ժամը՝ 19:00-ին, Երևանի Կոմիտասի անվան պետական կոնսերվատորիայի Ղազարոս Սարյանի անվան օպերային ստուդիայի դահլիճում Ա. Տիգրանյանի անվան երաժշտական դպրոցի սաների մասնակցությամբ կկայանա Ստեփան Ջրբաշյանի «Գիքոր» օպերայի բեմադրությունը՝ նվիրված Հ. Թումանյանի ծննդյան 150 ամյակին: «Գիքոր» օպերան կներայացվի նաև ՀՀ մարզերում. հուլիսի 1-ին` ժամը 18:00-ին, Վանաձորի Հ. Աբելյանի անվան դրամատիկական թատրոնում, հուլիսի 4-ին` ժամը 18:00-ին՝ Գյումրու Ա. Աճեմյանի անվան դրամատիկական թատրոնում:
Գլխավոր դերերում հանդես կգան. Գիքոր` Անի Թամազյան, ով Գիքորի երկարամյա դերակատար Ասյա Հայրապետյանի թոռնուհին է, Համբո` Հակոբ Արզումանյան, Սալբի` Մարիամ Վարդումյան, Բազազ Արտեմ` Կարո Այրումյան, Նատո` Լիանա Այրումյան, Դեդի` Աղավնի Հարությունյան: Ներկայացման դիրիժոր՝ ՀՀ վաստակավոր արտիստ Հայկ Հովակիմյան, վոկալ մասի ղեկավար՝ Շաքե Աշչյան, կոնցերտմայստեր՝ Ռուզան Վարոսյան, պարուսույց` Գոռ Մկրտչյան, ռեժիսոր և բեմանկարիչ` Նարինե Թարզիմկոյան։
Նախագծի ղեկավարն է Երևանի Ա. Տիգրանյանի անվան երաժշտական դպրոցի տնօրեն Անահիտ Գևորգյանը, հովանավորներ՝ ամերիկաբնակ Կարո և Սիրվարդ Կավուկչյաններ, կազմակերպիչներ՝ Ա. Տիգրանյանի անվան երաժշտական դպրոց և Մշակութային կրթության աջակցության հիմնադրամ:
Նախագծում ներգրավված են շուրջ 150 մասնակից, այդ թվում՝ Երևանի Ա. Տիգրանյանի անվան երաժշտական դպրոցի վոկալ բաժնի սաները, «Տիգրանյան» նվագախումբը, ավագ երգչախումբը, «Real dance» պարախումբը, «Արտիստ» թատերական ստուդիայի սաները:

Ազդագիրը ներբեռնել այստեղ:

Վերադառնալ

Բաժանորդագրություն

Էլ.հասցե*


tumanyan-puppet-fest-sept-21
tumanyan-150
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ, ԳԻՏՈՒԹՅԱՆ, ՄՇԱԿՈՒՅԹԻ ԵՎ ՍՊՈՐՏԻ ՆԱԽԱՐԱՐՈՒԹՅՈՒՆ

© 2004 - 2011. Հեղինակային իրավունքները պաշտպանված են:
Սույն կայքում տեղադրված լուսանկարները պաշտպանվում են հեղինակային և հարակից իրավունքների մասին Հայաստանի Հանրապետության օրենսդրությամբ: Արգելվում է տեղադրված լուսանկարների վերարտադրումը, տարածումը, նկարազարդումը, հարմարեցումը և այլ ձևերով վերափոխումը, ինչպես նաև այլ եղանակներով օգտագործումը, եթե մինչև նման օգտագործումը ձեռք չի բերվել Հայաստանի Հանրապետության կառավարության աշխատակազմի թույլտվությունը:

Հասցե` Հայաստանի Հանրապետություն, ք. Երևան, 0010, Վազգեն Սարգսյան 3: