ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄՇԱԿՈՒՅԹԻ ՆԱԽԱՐԱՐՈՒԹՅԱՆՊԱՇՏՈՆԱԿԱՆ ԿԱՅՔԷՋ
Մեդիա
e-draft
e-gov
e-request
citizen

Պաշտոնական էլ. փոստ

39065470@e-citizen.am

(միայն www.e-citizen.am համակարգով ծանուցումների համար)
Գլխավոր
Եզրափակվեց «Սասնա ծռեր» կամ «Սասունցի Դավիթ» ավանդական հանրապետական փառատոնը
08.10.2018

ՀՀ մշակույթի նախարարության աջակցությամբ Հայաստանի տարբեր մարզերում իրականացվող «Սասնա ծռեր» կամ «Սասունցի Դավիթ» ավանդական հանրապետական փառատոնի էպոսասացության մրցույթի եզրափակիչ փուլը տեղի կայացավ ս. թ. հոկտեմբերի 6-ին, Աշտարակի Պերճ Պռոշյանի տուն-թանգարանում։ Մրցույթի մարզային փուլին մասնակցեցին 200-ից ավել աշակերտներ, որոնցից 28-ը ընտրվել էին եզրափակիչ փուլին մասնակցելու համար:

Տարբեր տարիքի մասնակիցները հատվածներ ներկայացրեցին ազգային էպոսից։

Առաջին 3 մրցանակները շնորհվեցին ՀՀ Կոտայքի, Արագածոտնի և Շիրակի մարզերի տաղանդավոր էպոսասացներին, խրախուսական մրցանակները՝ ՀՀ Գեղարքունիքի, Տավուշի, Լոռիի, Կոտայքի և Արագածոտնի 7 մասնակիցներին և պատվոգրեր` բոլորին։

Առաջին մրցանակի արժանացավ 14-ամյա Միլենա Մանասյանը` ՀՀ Կոտայքի մարզից, ում ելույթն աչքի ընկավ էպոսասացության առանձնահատուկ կատարողական ձիրքով ու անմիջականությամբ։ Երկրորդ և երրորդ մրցանակները շնորհվեցին 8-ամյա Կորյուն Մարգարյանին՝ Արագածոտնից և 12-ամյա Մանե Ղումաշյանին՝ Շիրակից:

«Սասնա ծռեր» կամ «Սասունցի Դավիթ» ավանդական հանրապետական փառատոնի իրականացումը նշանակալի իրադարձություն է հանրապետության մշակութային կյանքում: Այն նպաստում է ոչ միայն էպոսի, կատարողական ավանդույթների պահպանմանը, այլև կենսունակության ապահովմանը, սերնդեսերունդ փոխանցմանը, ինչպես նաև մարզային մշակութային կյանքի աշխուժացմանն ու հանրության շրջանում հայրենասիրական ոգու բարձրացմանը:

Լուսանկարները ներբեռնել այստեղ:

Վերադառնալ

Բաժանորդագրություն

Էլ.հասցե*


goris-2018
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄՇԱԿՈՒՅԹԻ ՆԱԽԱՐԱՐՈՒԹՅԱՆՊԱՇՏՈՆԱԿԱՆ ԿԱՅՔԷՋ

© 2004 - 2011. Հեղինակային իրավունքները պաշտպանված են:
Սույն կայքում տեղադրված լուսանկարները պաշտպանվում են հեղինակային և հարակից իրավունքների մասին Հայաստանի Հանրապետության օրենսդրությամբ: Արգելվում է տեղադրված լուսանկարների վերարտադրումը, տարածումը, նկարազարդումը, հարմարեցումը և այլ ձևերով վերափոխումը, ինչպես նաև այլ եղանակներով օգտագործումը, եթե մինչև նման օգտագործումը ձեռք չի բերվել Հայաստանի Հանրապետության կառավարության աշխատակազմի թույլտվությունը:

Հասցե` Հայաստանի Հանրապետություն, ք. Երևան, 0010, Վազգեն Սարգսյան 3: