ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄՇԱԿՈՒՅԹԻ ՆԱԽԱՐԱՐՈՒԹՅԱՆՊԱՇՏՈՆԱԿԱՆ ԿԱՅՔԷՋ
Մեդիա
e-draft
e-gov
e-request
citizen

Պաշտոնական էլ. փոստ

39065470@e-citizen.am

(միայն www.e-citizen.am համակարգով ծանուցումների համար)
Գլխավոր
Հոկտեմբերի 7-ը՝ «Գրադարանավարի օր»
01.10.2018

2004 թվականից Հայաստանի Հանրապետության կառավարության որոշմամբ հոկտեմբերի 7-ը նշվում է «Գրադարանավարի օր»:

ՀՀ մշակույթի նախարարությունը կարևորելով գրադարանների դերը հանրության կյանքում, ինչպես նաև յուրաքանչյուր համայնքում գրադարանային գործունեության իրականացումը Հայաստանի Հանրապետության, Արցախի և Սփյուռքի  հայկական գրադարաններում «Գրադարանավարի օրվա» առթիվ անցկացնում է «Ճանապարհ գրքով» խորագիրը կրող ծրագիրը: Այն նպատակ ունի խթանել ընթերցանությունը, ինչպես նաև հանրության ուշադրությունը հրավիրել գրադարանների առջև ծառացած խնդիրներին: «Ճանապարհ գրքով» ծրագիրը նվիրվում է Հայաստանի Հանրապետության 100 և Երևանի հիմնադրման 2800-ամյա հոբելյաններին:

Ծրագրին միացած 163 գրադարաններում, այդ թվում` 151 հայաստանյան, 9 արցախյան և 3 սփյուռքի (Լեհաստան, Իրան, Լիբանան) կանցկացվեն շուրջ 300 միջոցառում:

Ծրագրի շրջանակում նախատեսված են գրքերի ցուցահանդես-վաճառքներ, հետաքրքիր հանդիպումներ, ֆիլմերի ցուցադրություններ և գեղարվեստական համույթների մասնակցությամբ համերգներ, ինչպես նաև ընթերցողներին աջակցելու նպատակով` ստեղծագործական աշխատանքների տոնավաճառ-ցուցահանդեսներ:

Հոկտեմբերի 5-ին «Հայաստանի ազգային գրադարան» ՊՈԱԿ-ում կկայանա ՀՀ մշակույթի նախարարության կողմից գրադարանային ոլորտի մի խումբ աշխատակիցների պարգևատրման արարողությունը:

Գրադարանավարի օրվա ծրագրին կարող եք ծանոթանալ հետևյալ հղումով:

Ծրագիրը ներբեռնեկ այստեղ:

Վերադառնալ

Բաժանորդագրություն

Էլ.հասցե*


ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄՇԱԿՈՒՅԹԻ ՆԱԽԱՐԱՐՈՒԹՅԱՆՊԱՇՏՈՆԱԿԱՆ ԿԱՅՔԷՋ

© 2004 - 2011. Հեղինակային իրավունքները պաշտպանված են:
Սույն կայքում տեղադրված լուսանկարները պաշտպանվում են հեղինակային և հարակից իրավունքների մասին Հայաստանի Հանրապետության օրենսդրությամբ: Արգելվում է տեղադրված լուսանկարների վերարտադրումը, տարածումը, նկարազարդումը, հարմարեցումը և այլ ձևերով վերափոխումը, ինչպես նաև այլ եղանակներով օգտագործումը, եթե մինչև նման օգտագործումը ձեռք չի բերվել Հայաստանի Հանրապետության կառավարության աշխատակազմի թույլտվությունը:

Հասցե` Հայաստանի Հանրապետություն, ք. Երևան, 0010, Վազգեն Սարգսյան 3: