ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄՇԱԿՈՒՅԹԻ ՆԱԽԱՐԱՐՈՒԹՅԱՆՊԱՇՏՈՆԱԿԱՆ ԿԱՅՔԷՋ
Մեդիա
gyumri-may-28
e-gov
hot-line
citizen

Պաշտոնական էլ. փոստ

39065470@e-citizen.am

(միայն www.e-citizen.am համակարգով ծանուցումների համար)
Գլխավոր
Հայ կոմպոզիտորական արվեստի 8-րդ փառատոնը նվիրվում է անվանի կոմպոզիտոր Հարո Ստեփանյանի 120-ամյակին
13.02.2017

ՀՀ Նախագահ Սերժ Սարգսյանի հովանու ներքո, ՀՀ մշակույթի նախարարության աջակցությամբ, Հայաստանի պետական երիտասարդական նվագախմբի նախաձեռնությամբ` ս. թ. փետրվարի 15-28-ը, կանցկացվի «Հայ կոմպոզիտորական արվեստի 8-րդ փառատոնը», որն այս տարի նվիրվում է հայ անվանի կոմպոզիտոր Հարո Ստեփանյանի 120-ամյա հոբելյանին: Փառատոնի գեղարվեստական ղեկավարն է Ս. Սմբատյանը:
Փառատոնի նպատակն է երկար տարիների պատմություն ունեցող հայ դասական և ժամանակակից կոմպոզիտորների ստեղծագործությունների տարածումը, հայ կոմպոզիտորների սիմֆոնիկ և կամերային ստեղծագործությունների ձայնագրումը, տեսագրումը, նոտաների թվայնացումը և պահպանումը: Փառատոնը նպատակ ունի կապ ստեղծել հայ կոմպոզիտորական արվեստի սերունդների միջև, արժևորել մեր կոմպոզիտորների ստեղծագործական ժառանգությունը, հանրայնացնել, ներկայացնել ժամանակակից հայ կոմպոզիտորների գործերը:
Հարո Ստեփանյանը (1897-1966 թթ.) տաղանդավոր և ինքնատիպ կոմպոզիտոր է, ով մեծ ավանդ է ներդրել հայ երաժշտական մշակույթի զարգացման գործում: Նա հեղինակել է հինգ օպերա, երեք սիմֆոնիա, բազմաթիվ երգեր, ռոմանսներ, կամերային-գործիքային ստեղծագործություններ: Փառատոնի շրջանակում թվայնացվել են Հարո Ստեփանյանի չկատարված կամերային և սիմֆոնիկ ստեղծագործությունները, որոնք ունկնդրի դատին կներկայացվեն առաջին անգամ: Փառատոնը ներառում է սիմֆոնիկ և կամերային հինգ համերգ, որոնց ընթացքում ի թիվս շատ ստեղծագործությունների, կներկայացվեն համաշխարհային և հայաստանյան պրեմիերաներ: Կկատարվեն Հարո Ստեփանյանի, Ջոն Տեր-Թադևոսյանի, Հարություն Դելալյանի, Վարդան Աճեմյանի, Վաչե Շարաֆյանի, Էդուարդ Հայրապետյանի և այլ կոմպոզիտորների ստեղծագործություններ: Երաժշտական այս գեղեցիկ նախաձեռնության շրջանակում հանդես կգան անվանի մենակատարներ, այդ թվում՝ դաշնակահար Նարե Արղամանյանը:
Փառատոնի բացման համերգը տեղի կունենա փետրվարի 15-ին, ժամը 19:00-ին, Արամ Խաչատրյան համերգասրահում, փակման համերգը` փետրվարի 28-ին, ժամը 19:00-ին, Արամ Խաչատրյան համերգասրահում: Փառատոնի կամերային համերգները կկայանան Արամ Խաչատրյան տուն-թանգարանում: Համերգների սկիզբը` ժամը 19:00-ին:
Փառատոնային ծրագիրը կցվում է:
Ազդագրերը ներբեռնել այստեղ:
Վերադառնալ

Բաժանորդագրություն

Էլ.հասցե*


drive-fest-24-26-march
cultural-stop
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄՇԱԿՈՒՅԹԻ ՆԱԽԱՐԱՐՈՒԹՅԱՆՊԱՇՏՈՆԱԿԱՆ ԿԱՅՔԷՋ

© 2004 - 2011. Հեղինակային իրավունքները պաշտպանված են:
Սույն կայքում տեղադրված լուսանկարները պաշտպանվում են հեղինակային և հարակից իրավունքների մասին Հայաստանի Հանրապետության օրենսդրությամբ: Արգելվում է տեղադրված լուսանկարների վերարտադրումը, տարածումը, նկարազարդումը, հարմարեցումը և այլ ձևերով վերափոխումը, ինչպես նաև այլ եղանակներով օգտագործումը, եթե մինչև նման օգտագործումը ձեռք չի բերվել Հայաստանի Հանրապետության կառավարության աշխատակազմի թույլտվությունը:

Հասցե` Հայաստանի Հանրապետություն, ք. Երևան, 0010, Վազգեն Սարգսյան 3: