Ս. թ. հունիսի 12-ին Ամստերդամում բացվել է Հայ գրատպության 500- ամյակին նվիրված ցուցահանդես, որին մասնակցել է նաև ՀՀ մշակույթի նախարարության պատվիրակությունը` ի դեմս Հայաստանի ազգային գրադարանի տնօրեն Տ. Զարգարյանի և Ե. Քոչարի թանգարանի տնօրեն Լ. Քոչարի: Ցուցադրվել են Մ. Մաշտոցի անվան հին ձեռագրերի ինստիտուտ-Մատենադարանի, Հայաստանի ազգային գրադարանի և Ե. Քոչարի թանգարանի ցուցանմուշները, ինչպես նաև հայ գրատպությանը նվիրված գրքեր և ձեռնարկներ՝ Ամստերդամի գրադարանների պահոցներից:

Ս. թ. հունիսի 15-ին Աստանայում տեղի է ունենալու <<Եվրասիական մշակույթը նոր աշխարհում>> խորագրով համաժողով, հայաստանյան պատվիրակության մասնակցությամբ, որի կազմում ընդգրկված են Ա. Երնջակյանը, Ա. Խզմալյանը, Խ. Աբրահամյանը, Հ. Սիմոնյանը, Վ. Դևրիկյանը:

Ս. թ. հունիսի 24-30-ը Հորդանանում կանցկացվեն  Հայաստանի մշակույթի օրեր, որի շրջանակներում կիրականացվեն մի շարք միջոցառումներ՝ ցուցահանդեսներ, գալա համերգ, դասախոսություն: Մշակույթի օրերի համատեքստում կստորագրվի նաև <<Հայաստանի Հանրապետության Կառավարության և Հորդանանի Հաշեմիական Թագավորության միջև մշակույթի ոլորտում համագործակցության մասին>> համաձայնագիր: Հորդանանում Հայաստանի մշակույթի օրերին կմասնակցի ՀՀ մշակույթի նախարար Հ. Պողոսյանի գլխավորած պատվիրակությունը: