ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ, ԳԻՏՈՒԹՅԱՆ, ՄՇԱԿՈՒՅԹԻ ԵՎ ՍՊՈՐՏԻ ՆԱԽԱՐԱՐՈՒԹՅՈՒՆ
Մեդիա
e-draft
e-gov
e-request
citizen

Պաշտոնական էլ. փոստ

39065470@e-citizen.am

(միայն www.e-citizen.am համակարգով ծանուցումների համար)
Հովհաննես Թումանյան-150
Կոմիտաս Վարդապետի ծննդյան 150-ամյակին նվիրված միջոցառումների շարք` Շիրակի մարզում
23.09.2019

Շիրակի մարզի Ամասիայի մանկական արվեստի դպրոցը կանցկացնի «Իմ Կոմիտասը» խորագրով միջոցառումների շարք, որը խոնարհում և խնկարկում է Մեծ Վարդապետի 150-ամյա հիշատակին:

Միջոցառումների շարքը կբացվի սեպտեմբերի 24-ին` ուսումնագիտական հավաքով, որի ընթացքում Գյումրիից և Երևանից հրավիրված երաժշտագետներն ու կոմիտասագետները կկարդան դասախոսություններ, կանցկացնեն երգի ուսուցում, կծանոթանան նաև դպրոցի սաների կազմակերպած շնորհանդեսներին։

Միջոցառման հաջորդ փուլի ընթացքում` սեպտեմբերի 25-ին, կբացվի դպրոցի նկարչության բաժնի սաների աշխատանքների ցուցահանդեսը՝ կոմիտասյան թեմաներով։ Աշակերտներից յուրաքանչյուրը կներկայացնի իր Կոմիտասին, կպատմի նկարի ստեղծման պատմությունն ու իր պատկերացումները Վարդապետի մասին։ Հանձնաժողովի որոշմամբ կընտրվեն լավագույն 3 նկարները, որոնց հեղինակները կարժանան պատվոգրերի:

«Իմ Կոմիտասը» խորագրով միջոցառումը նպատակ ունի աշխուժացնել մշակութային կյանքը գյուղերում, ընձեռել հրավիրյալ մասնագետներին լսելու հնարավորություն: Այդ նպատակով սեպտեմբերի 30-ից հոկտեմբերի 4-ը կկազմակերպվեն նաև ճանաչողական այցեր տարածաշրջանի խոշոր գյուղական համայնքներ՝ Ամասիա, Գտաշեն, Ողջի, Ջրաձոր, Բանդիվան՝ «Իմ Կոմիտասը» ներկայացնելու նաև արվեստի դպրոցներ չունեցող հարակից համայնքների աշակերտներին ու բնակիչներին։

Միջոցառումների շարքը կամփոփվի սեպտեմբերի 26-ին` գալա-համերգով, որի ընթացքում կոմիտասյան կատարումներով հանդես կգան դպրոցի դաշնամուրային, վոկալ, ժողովրդական նվագարանների, պարարվեստի դասարանների սաները, ինչպես նաև դպրոցի երգչախումբը։

Վերադառնալ
IBBY-october-31
tumanyan-150
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ, ԳԻՏՈՒԹՅԱՆ, ՄՇԱԿՈՒՅԹԻ ԵՎ ՍՊՈՐՏԻ ՆԱԽԱՐԱՐՈՒԹՅՈՒՆ

© 2004 - 2011. Հեղինակային իրավունքները պաշտպանված են:
Սույն կայքում տեղադրված լուսանկարները պաշտպանվում են հեղինակային և հարակից իրավունքների մասին Հայաստանի Հանրապետության օրենսդրությամբ: Արգելվում է տեղադրված լուսանկարների վերարտադրումը, տարածումը, նկարազարդումը, հարմարեցումը և այլ ձևերով վերափոխումը, ինչպես նաև այլ եղանակներով օգտագործումը, եթե մինչև նման օգտագործումը ձեռք չի բերվել Հայաստանի Հանրապետության կառավարության աշխատակազմի թույլտվությունը:

Հասցե` Հայաստանի Հանրապետություն, ք. Երևան, 0010, Վազգեն Սարգսյան 3: