ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ, ԳԻՏՈՒԹՅԱՆ, ՄՇԱԿՈՒՅԹԻ ԵՎ ՍՊՈՐՏԻ ՆԱԽԱՐԱՐՈՒԹՅՈՒՆ
Մեդիա
e-draft
e-gov
e-request
citizen

Պաշտոնական էլ. փոստ

39065470@e-citizen.am

(միայն www.e-citizen.am համակարգով ծանուցումների համար)
Հայտարարություններ
Գրքի երևանյան երրորդ փառատոնի շրջանակում հայտարարվում է գրական մրցույթ
23.09.2019

ՀՀ ԿԳՄՍ նախարարության աջակցությամբ «Մշակութային հասարակություն» հասարակական կազմակերպությունը 2019 թվականի նոյեմբերին կիրականացնի Գրքի երևանյան երրորդ փառատոնը, որի շրջանակում հայտարարվում է գրական մրցույթ հետևյալ անվանակարգերում.

◆ Արձակ (երկու մրցանակ)
◆ Պոեզիա (երկու մրցանակ)
◆ Դրամատուրգիա (երկու մրցանակ)

Մասնակցության հայտ կարող են ներկայացնել բոլոր գրողները՝ առանց տարիքային սահմանափակման: Գրքի երևանյան փառատոնում նախորդ տարիներին մրցանակային տեղ զբաղեցրած հեղինակներն այս տարի նույն անվանակարգում հայտ ներկայացնել չեն կարող:

Մրցույթին պետք է ներկայացնել՝
◆ ինքնակենսագրություն (CV),
◆ 3 պատմվածք / էսսե կամ վեպից / վիպակից հատված (նվազագույնը՝ 30 էջ)` «Արձակ» անվանակարգի համար,
◆ 15 բանաստեղծություն՝ «Պոեզիա» անվանակարգի համար,
◆ 1 պիես՝ «Դրամատուրգիա» անվանակարգի համար:

Մրցույթին ներկայացվող ստեղծագործությունները պետք է առանձին գրքով հրատարակված չլինեն:

Նույն հեղինակը կարող է հայտ ներկայացնել միայն մեկ անվանակարգում։

Հաղթողները կստանան դրամական պարգև 400 000-ական դրամ (ներառյալ հարկերը):

Հայտի փաթեթը անհրաժեշտ է ուղարկել evnbookfest@gmail.com էլեկտրոնային հասցեին՝ կցելով կոնտակտային տվյալները և նամակի «թեմա» (subject) տողում նշելով՝ «Գրական մրցույթ և գրողի անուն-ազգանունը»։

Մրցույթի արդյունքների ամփոփումից հետո հաղթող գործերից հատվածներ են հրապարակվելու: Եթե 2020 թվականի ընթացքում հեղինակները հաղթած գործերը չհրատարակեն, Գրքի երևանյան փառատոնը իրավունք ունի դրանք ամբողջությամբ հրապարակելու:

Մասնագիտական ժյուրին ստեղծագործությունները գնահատելու է՝ հաշվի առնելով.

◆ ժանրային իրացումը
◆ կառուցվածքը
◆ լեզուն և ոճը
◆ գեղարվեստական մտածողության ինքնատիպությունը
◆ նորարարությունը:

Մասնագիտական ժյուրիի կազմում են.

Ալեքսանդր Թոփչյան
Դավիթ Մուրադյան
Գրիգոր Խաչատրյան
Դավիթ Հարությունյան
Քրիստինե Հովհաննիսյան
Արամ Պաչյան
Տիգրան Պասկևիչյան
Ալվարդ Սեմիրջյան-Բեքմեզյան
Տիգրան Սիմյան

Հայտերի ընդունման վերջնաժամկետը 2019 թվականի հոկտեմբերի 20-ն է։

 

Վերադառնալ
komitas-150
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ, ԳԻՏՈՒԹՅԱՆ, ՄՇԱԿՈՒՅԹԻ ԵՎ ՍՊՈՐՏԻ ՆԱԽԱՐԱՐՈՒԹՅՈՒՆ

© 2004 - 2011. Հեղինակային իրավունքները պաշտպանված են:
Սույն կայքում տեղադրված լուսանկարները պաշտպանվում են հեղինակային և հարակից իրավունքների մասին Հայաստանի Հանրապետության օրենսդրությամբ: Արգելվում է տեղադրված լուսանկարների վերարտադրումը, տարածումը, նկարազարդումը, հարմարեցումը և այլ ձևերով վերափոխումը, ինչպես նաև այլ եղանակներով օգտագործումը, եթե մինչև նման օգտագործումը ձեռք չի բերվել Հայաստանի Հանրապետության կառավարության աշխատակազմի թույլտվությունը:

Հասցե` Հայաստանի Հանրապետություն, ք. Երևան, 0010, Վազգեն Սարգսյան 3: